A storia
L’acqua d’Orezza hè cunnisciuta dapoi l’Antichità è piacia assai à i Rumani pè e so qualità eccezziunale.
A storia di st’acqua cuntinueghja à l’epuca muderna : in tempu di Napulione III, un decretu ministeriale autorizeghja u so sfruttamentu, u 25 d’aprile di u 1856; 10 anni dopu, u 7 di ferraghju di u 1866, hè tocca da un decretu imperiale d’interessu publicu.
Più tardi, à u XIXu seculu, i stabilimenti d'Orezza, cù e so sale di bagni, dusce è massaghji, eranu assai praticati da i curisti : st’acqua termale preziosa medicava l'anemie, i disturbi di i nerbi, a malaria, e malatie di u fegatu è di i reni.
Tandu, si principiava à crede à e virtù miraculose di l’acqua d’Orezza.
A u XXu seculu, durante a seconda guerra mundiale, fubbe ancu mandata in Africa di u Nordu pè rivitulì i cumbattanti anemiati.
Autorizazione pè sfruttà a surgente
L’interessu di beie l’acqua d’Orezza hè ricunnisciutu
U duttore Zuccarelli, in u so « Studiu nant’à l’acqua minerale d’Orezza »
cunfirmeghja ch’ella hè racumandata contr’à l’anemie
Fine di u sfruttamentu di a surgente è sparizione di e buttiglie d’acque d’Orezza
F.X. Mora rimette in usu u sfruttamentu di a Surgente Suttana
è principianu i travaglii pè mudernizà u situ
Volta nant’à i tavulini l’acqua d’Orezza
Messa nant’à u mercatu di a gamma di l’acque arumatizate :
Alimea Pumpelmu rusulatu è Menta
Messa nant’à u mercatu di l’acqua minerale naturale di surgente
durante i Monte-Carlo Rolex Masters
A Castagniccia
L’acqua d'Orezza hè nata ind’unu
di i più belli rughjoni di Corsica,
a Castagniccia, nome chì di sicuru
rimanda à tutti i castagni ch’ellu ci hè.
Ci hè stata una rinnuvazione
maiò di u situ d'Orezza,
circundatu da un bellissimu arburame,
ma mantenendu u garbu di tempi fà.
A pruduzzione è l’imbuttigliera
Si sà chì l'acqua d'Orezza, acqua minerale naturale rinfurzata à u gasu di surgente, hè una di e più ricche in ferru di u mondu. Dunque, pè pudè mettela in buttiglia, si deve caccià u ferru à l’acqua. Per quessa, l’usina d'Orezza hà messu in usu un prucedimentu di sferrizazione fundatu nant’à un principiu propiu naturale : l’ossidazione à l'aria.
Ci volenu 4 tappe pè trattà l’acqua :
A sgasera
L’acqua minerale micca trattata hè mandata in cima di una torra di sgasera, induv’ella ghjunghje essendu pulverata in candellucce chjuche chjuche, pè favurizà a separazione di l’acqua è di u gasu.
Dopu, un aspiradore d’acqua li ricaccia u CO2.
U gasu ricacciatu cù stu prucedimentu hè allucatu.
L'ossidazione di u ferru
L’acqua, sgasata à tempu avà, vene dopu ind’un bugnolu, induv’ella hè mischjata cù aria cumpressa sterile, prima di passà in a torra d’ossidazione, induve ci hè a dipusizione di u ferru.
A filtrazione
Dopu, l’acqua hè cundutta in filtri à rena, chì strughjenu u ferru diventatu duru.
A rigasera
À l’ultima tappa, quandu si mette in buttiglia, l’acqua hè rigasata, cù u gasu strattu durante a prima operazione.
L’imbuttigliera
Più di dece milioni è mezu di buttiglie d’acqua
sortenu ogni annu da l’usina d’Orezza,
dopu esse state cuntrullate parechje volte
pè accertà un’acqua avendu tenutu a so purezza originale.